AnetteS

Det er veldig mange ulike sko frå Rainbow Club. Eg har kjøpt eit par av merket Else, type Metropolitan:

http://www.rainbowclub.co.uk/collection.htm?brand=Else&productID=131&Accessories=

Prøvde dei fyrst i brudebutikken, men bestemde meg for å kjøpa dei på elegantsteps.com. Kosta omtrent halve prisen av det dei skulle ha i butikken.

Fordelen med skoa (forutan at eg syns dei er lekre [smilie=hihi.gif] ) er at dei har halv høg hæl. Eg kan godt gå på høge hælar, men akkurat på bryllaupsdagen syns eg det var praktisk med nokon som var litt lægre enn vanleg høgd.

Bakdelen er at dei berre er produsert i heile størrelsar. Eg er str. 37-38 i vanlege sko, som regel str. 37 i pensko. Eg prøvde begge deler i butikken, og syns egentleg at ingen av dei sat perfekt. Fann likevel ut at det var betre med litt for store sko enn litt for små. Skal prøva å få lagt noko inni dei slik at dei sit betre på, evt. oppsøkja ein skoforretning. Mitt tips er iallfall at du prøver dei på i butikken før du evt. kjøper dei ettersom det kan vera litt vanskeleg med størrelsen.

Me inviterte ca. 90 til middag (85 kjem) og 60 til kaffi i tillegg. Blir vel totalt 135 på festen, med smått og stort. Har eit stort budsjett, som allereie har slått sprekker på enkelte av postane 😉 får gjera opp status når det nærmar seg.

Ang. å invitera born, eg får stadig spørsmål frå folk rundt om det var so lurt å invitera nevøar, små søskenbarn og barn av (større) søskenbarn. «Blir jo støy under middagen», «tek oppmerksomheita frå brudeparet» osv. Men me har ein stor, flott familie på begge sider, me er veldig glade i born (sjølv om me – hadde so nær sagt heldigvis – ikkje har nokon sjølv som me må ta hensyn til på den store dagen), og alle har god kontakt. Syns det hadde vore noko som mangla om dei ikkje var bedne til vår store dag. Mogleg eg ser anleis på det etterpå, hehe.. men akkurat no gler eg meg over at alle er med på denne store familiefesten som ventar oss. 😀

Kva vurderingar gjorde de i forhold til å invitera barn ?

Eg er veldig tradisjonell ift. dette, so eg skal ha med meg min gode pappa opp kyrkjegolvet.

Men eg syns ofte at det kan bli litt mykje fokus på brura og litt lite fokus på brudgommen når ein gjer det sånn, so eg fekk min kjære og presten med på eit lite kompromiss..

Me skal ha ein større prosesjon inn, og den skal gå i denne rekkefylgja:

1. Korsbærar + prest

2. Brudgom og brudgommens forlovar

3. Brura sin forlovar + evt. ringbærar

4. Brud og brudens far

Dette er det opning for i liturgien til Den norske kyrkja. For oss var det rette måten å gjera det på, men dette er nok veldig individuelt.. 😉

Me er:

Anette & Anette-mannen 😉

23 & 28 år

Bur i Bergen

Ho: snart jurist, han: snart kjøpmann

Hobby – ho: trening, sunt kosthald og politikk, han: bilar, trening. Begge: samvær med familie og vener 😀

Ingen skjønne born endå (eller på ei stund 😉 )

Trer inn i den lukkelege ektestand med stor fest i Indre Sogn den 24.07.2010

… og gler oss veldig ☺ 🙂