idakat

Eg har fått drikkeliste tilsendt på mail, men eg hadde jo forsåvidt tenkt til å spøje om det var mogelegheit for andre typer drikke, ettersom eg veit min forlovede ikkje likar vin/champagne. Me skal ha alkohol, ja. På det meiste må me betale over 500,- om eg ikkje hugsar feil, men eg kan jo forsåvidt også sende dei mail(når eg har fått svar) om det finnes andre alternativ for drikke, om det går an å ha ein annan ordning. At folk evt. kan kjøpe sjølv? Det tykkjer eg hadde vore meir praktisk. Evt. kva det måtte koste om det er mogelegheit for fri bar? Takk for at du minna meg på det! ^^

Takk for alle tips, då skal eg stikke innom ein/fleire dei! : )

På sidene for borgarleg vigsel i Bergen står det at ein kan ha med gjester til at 16 sit og nokre få til står. Har nok sjekka det, det skal du ikkje bekymre deg for. Prisen på hotellet stemmer nok. Eg skal ikkje bruke 20 000 på alt mitt, mitt vert nok ikkje dyrare enn 10 000, om ein gong dét. Det er dessutan ikkje dét denne tråden handlar om, han handlar om kva eg kan ordne no. Takk for svar, men det er ikkje alt som har vorte nemnd no som er relevant for tråden (det er min feil også) og eg tenkjer at kanskje me skal kome tilbake til det tråden handlar om.

Budsjettet låg i stad på 67.000, men no har eg fått det ned på under 50.000. Eg har kutta ned på brud(fant ut at eg har nok smykker og undertøy til at det ikkje trengs. I tillegg har eg skor.) – eg veit FRAMLEIS ikkje kor mykje det kostar med sminkør og frisør, det er difor eg spør. Eg har aldri fått håret mitt fiksa og ansiktet pynta for penger. Eg fiksar og sminkar meg sjølv som regel. Me skal beggje klippe oss før sjølve dagen. Men kanskje i staden for å ha prøvetime også ein time, så kan me spør om tips til korleis å ordne håret sjølv? Spare på å gjere det hjå profesjonelle, berre gjere det heime før me reiser?

Eg har kutta ned gåver til hjelparar etc. til maks 250 per pers. Forhåpentlegvis vert da mindre. Kjolen min skal meist sannsynleg bestillast frå jjbride. MAnnen skal ha ein vanleg dress, ikkje noko superfancy. Einaste hjå han som kanskje kan koste uhorveleg mykje er skorna. Men eg tenkjer at han som har så vanskeleg for å finne passande skor kan få lov å bruke litt ekstra på da ein gong i blant!

Me har ikkje så mange gjester, så me brukar maks 13000 på mat til ca. 24 stykk. Musikk tek me med sjølv, eg skal ikkje ha slør eller tiara eller strømpeband. Eg har funne body til 300, meir treng eg ikkje. Kanskje kan eg til og med bruke bodyen eg allereie har (med mindre eg vert MYKJE mindre, då må eg ha ny). Me skal spørje ei venninne og ein kompis om dei kan fotografere og filme mot at dei vert invitert i bryllaupet. (Dei vert invitert likevel, då, men om dei hadde ynskja å gjere såpass for oss hadde me begge vorte veldig glade!)

Eg veit ikkje, me skal sjølvsagt prøve å spare alt me kan der me kan. Me ser på dei billegaste løysingane overalt. Budsjettet vårt er sett opp i VELDIG grove tal, me har sett opp max-beløp for kva me er villige til å betale. (Altså er sminke og frisør både for klipp til han og meg + fiksing for han og meg + sminking for meg.) Men om me kan sleppe unna med berre ein klipp og nokre tips hadde da vore flott!

Me har dato for alt, me har festlokale til den datoen, og me har budsjett. : ) I alle fall eit nesten ferdig eit, eg er framleis ikkje heilt sikker på nokre få av punktene der, kva som er sannsynlegast å bruke. Om du har nokre idear til sannsynlege prisar kan du gjerne hjelpe meg? Dette er det eg ikkje har prisar på endå:

– Vielseslokalet (så vidt eg har skjøna det er det gratis for borgarleg vigsel?)

– Betjening og Tips (me skal ha det på hotell, er det då vanleg å gje tips til betjeninga?)

– Duker (Igjen; hotellet ordnar vel dette?)

– Servietter til resepsjonen (Vert på da meiste 40 gjester uansett. Det er det høgaste talet me har, og er ganske sikre på dette talet. Om noko vert me kanskje 50.)

– Vigselsmann (Er dette naudsynt ved borgarleg vigsel? Altså å skaffe han sjølv?)

Dette er det einaste me ikkje har sett noko budsjettert pris på. Elles har me kanskje overdrive på nokre av punktene. Det finnast ting eg er svært usikker på, som eg berre har gitt ein pris:

– Undertøy (Har sett opp 1500,- her)

– Borddekor m/u blomar (ettersom det er på hotell reknar eg med at dei ordnar dekor?)

– Foreldregåver / Gåver til hjelparar / Konfransierar / Etc. (500,- per pers?)

– Bilder / Video (Me har eit venepar, kjærester, der jenta fotograferer og guten filmar. Me vil invitere dei og spørje om dei vil stå for film og foto på dagen. Dei vert inviterte til alt i så tilfelle, og vil i tillegg få ein liten gåve som takk, tenkjer eg.)

– Sminke og frisør (Eg har VERKELEG ingen aning, og har sett opp 5000 her…?)

Berre å kome med forslag. Me ynskjer da så billeg som mogeleg, og har planlagd eit budsjett på nærare 50 000,- – forhåpentlegvis får me ordna da om kjolen min er billeg og me finn ein vanleg findress til Michael. Eg er heller ikkje så veldig opphengd i at alt er nytt, eg har mange fine smykke og øyredobbar o.l., og skor treng eg heller ikkje kjøpe nye. Slike ting. Musikk ordnar me sjølv (speleliste, om me skal ha noko i vigselen vert da vel vener/familie av oss.)

–

Er det nokon som har forlsag til kva eg kan gjere no medan det framleis er god tid? Eg skal snart bestille Save the Date-kort, og skal sende dei ut seinast i Desember, tenkjer eg. Forhåpentlegvis er me HEILT sikre på kven me vil invitere i Oktober, slik at me kan sende ut i Oktober/November, for å vere sikre på at alle får beskjed i god tid.

Eg har allereie byrja å planlegge kjole. Eg har teikna han, leitt fram bilete og ringa rundt det eg vil ha. Eg har skrive forklaringar på korleis eg vil at han skal sjå ut og fungere, og med nokre spørjande forslag. Så den skal eg sende til skreddarar(anten jbbride eller noko anna) når det nærmar seg nyttår. Me har festlokale, så me veit kvar festen skal vere, me har bestemt oss for borgarleg vigsel så me treng berre avtale med tingretten.

Kva kan me gjere no? Eg tenkjer at etter kvart når me får litt penger til bryllaupet, så kan me bestille bordkort, bordkorthaldarar og øskjer å ha gjestegåver i? Eg tenkjer også på å byrje å sjå på sko til meg sjølv.

Også har eg sett litt på papira me må skrive under på, kva vil «prøving av ekteskapet» seie? Det står vel noko om at det er gyldig i 4 månader? Tydar det at om eg sender inn dokumenta no så går prøvinga ut om 4 mnd, altså må me sende inn på nytt seinare? Må eg vente med dette til det er 4 månader til bryllaupet? Korleis avtalar ein tid med tingretten? Eg har verkeleg INGEN peiling på dette, og eg skulle gjerne spurd mor mi, for eg VEIT at ho og far min vart gift i tingretten i Bergen, men eg veit OGSÅ at ho kjem til å ha mange, mange meininger om dette, og eg vil difor gjere så mykje som mogeleg sjølv, slik at ho skjønar at eg verkeleg, verkeleg vil dette og klarar å ordne dette ganske godt sjølv med hjelp av Michael.

Mykje babling, her, men eg tenkjer at når det står eit forum til disposisjon på internett så må eg bruke det for ALT det er verdt, og hittil har eg teke til meg ganske mykje av det som har vorte sagt her. Kva no? : )

Takk for at de held ut med meg, og eg ville vorte kjempeglad om nokon hadde nokre tips til meg! Link til lista mi ligg i tidlegare innlegg. : )

DET HAR SKJEDD! : D Det tok si tid, men no har det endeleg skjedd; eg har nærast bestemt meg for at om eg ikkje finn noko som fell meir i min smak fram til jul, så skal eg bestille kinakjole! Eg har funne den overdelen eg vil ha, eg veit akkurat korleis eg vil endre på han, eg har overskjørtet og underskjørtet eg vil ha, og veit akkurat korleis dét skal vere, og eg har lagra bilete og skrive ned notater til meg sjølv (og evt. skreddar) på kvart av dei tre bileta med kva eg ynskjer forandra, kva eg likar, kva eg absolutt ikkje vil ha, etc. : D Så nooooo – jau, eg kan sjå for meg denne kjolen, og eg elskar han nesten like høgt som min kommande mann! DET er kjolen som seier JA! : D