altgodt

Paris i syttande-mai-helga, London i pinsehelga og Hellas i juli/august er dei turane vi har planlagt før bryllupet. 🙂

-Og det kan hende at enkelte vil kalle vårt bryllup utradisjonelt og, eg veit ikkje. Vi skal ha vielse med humanetisk forbund i hagen utanfor selskapslokalet, som er ein låve. Vi skal ikkje ha forrett, men to hovudrettar, den eine for allergikarar, og ost til dessert. Deretter vert det godteribuffé for å glede barnet i kvar enkelt av oss. Bordplasseringa vert «free seating», fordelt på åttemannsbord, slik at ein får vite kva bord ein skal sitte på, og så finn ein sin plass der. Så kan dei som må halde kjæresten i handa få gjere det, og dei som vil sleppe kan sleppe.

Det er vel eit utanlandsk/amerikansk fenomen, å bytte om til ein kortare, lettare kjole til dansen på slutten av festen. «Going away-dress» er noko liknande, ei drakt som bruda byttar på seg før ho kastar buketten og går inn i bilen som køyrer brudeparet avgarde på bryllupsreise.

Her har eg lista opp ein del alternativ.

Eg stemmer veldig for å bestille fly med Norwegian el.l. og fikse overnatting sjølve. Då kan dokke f.eks. bytte hotell, bytte by og reise til ein annan del av landet viss dokke plutseleg får lyst til det. Det gir ein heilt annan fleksibilitet. 🙂

Vi brukte vistaprint, det fungerte veldig bra, med sjølvfargande stempel. Vi valte små og store, og dei store var definitivt best.

Vi vart invitert i eit bryllup på mail sommaren 2010, det var heilt ok for meg. Det var eit heilt fantastisk bryllup, annleis, mange utradisjonelle element, kjendisfylt og actionfylt. At vi ikkje fekk invitasjon på papir gjorde verkeleg ingenting. Når eg tenker meg om har eg ikkje fått takkekort derfrå heller, men ein entusiastisk takkemail frå brura for gåva vår, som var delar til eit gamalt servise dei samla på som har gått ut av produksjon for mange år sidan.

Eg er som deg, brukar nett til alt. Men eg er også ein keepsake-person, så for oss blir det nok papirinvitasjonar i tillegg til nettside. Svar på invitasjonen blir på nettsida.

Hønefoss-Fredrikstad er jo uansett ikkje noko Amerika-reise, då. Eg ville satt opp ei gjesteliste, og sett på kor mange som må flytte på seg ved dei to ulike alternativa. Det kunne også vere praktisk å sjå på kvar ein kan finne gode og praktiske overnattingsløysingar for dei tilreisande. Er det nokon som ikkje vil kome viss dei må reise to timar? Gamle/skrøpelege personar? Slike ting må du og kjæresten din vurdere.

Må ein ikkje gå ut frå at folk klarer å hegne seg på ein slik dag? Dei to som er nærast til å lage skandale hos oss er gift med kvarandre (framleis), men vi går berre ut frå at dei klarer å halde seg i skinnet på ein slik dag. Ein må kunne forutsette at folk klarer å mobilisere det dei har av godt skjønn og sosiale antenner slik at dei unngår å øydelegge bryllupsdagen til nokon dei er glade i.

Vi skal ha utevielse, med mindre det striregnar. Eg har snakka med ein smed eg kjenner om å lage ein slags pergola som vi kan stå under, bortsett frå det vert det berre stolar stilt opp, og kanskje nokre dekorasjonar, vi får sjå.